Hahahaha...
Selamat pengantin baru semoga kekal sampai hembusan nafas terakhir. :) Selamat berbulan madu. Semoga dapat anugerah kecil yang terindah untuk menjadi penyeri istana kekal anda. Selamat ya...
JAM BABUKA PUASA
Takisah waktu Utuh Mandaw lagi halus. Waktu itu rahatan bulan Ramadhan, Utuh Mandaw ne kada sabar lagi mahadangi waktu babuka puasa. Maklum kakanakan, takana saparu puasanya, takananya tuntung sabigian puasanya. Hari nintu Utuh Mandaw ne bepadah wan abahnya,
“Bah, magribnya jam barapa garang?”
“Jam 6, sabar ae, masih 4 jam lagi,” jar abahnya pina santai.
“Kanapa lawasnya, mulai tadi ulun lihati jam, jam 2 ha tarus!” jar Utuh Mandaw.
“Nah, kanapa pang mun jam 2?” jar abahnya.
“Ulun handak capat babukanya, pina kuriakan gaduhan ulun dalam parut dah,” jar Utuh Mandaw, “Kayapa mun kita putar haja jamnya ka jam 6?”
“Tasarah ikam ha!” jar abahnya.
“Asyik!” jar Utuh Mandaw sambil badiri maangkat kursi handak maubah jam ka jam 6. Imbah sudah dipindah ka jam 6 lalu baucap ae, “Bah, sudah ulun ubah ka jam 6, lakasi kita bukaan!”
“Nah, nintu hanyar jam di dapur, balum jam di ruang tamu wan ruang tangah lagi,” jar abahnya.
Badadas Utuh Mandaw mamindah jam di ruang tamu wan ruang tangah ka arah jam 6. “Bah, sudah sunyaan ulun pindah jamnya ka jam 6!” jar Utuh Mandaw pina kahimungan kaarayan.
“Ha ha ha, nintu hanyar di rumah kita, balum lagi jam di rumah tatangga kita. Pindahi dahulu jam di rumah Pambakal, di rumah hadran, di rumah Su Ijak, di rumah Su Runi, di rumah utuh rijul di rumah Duktur Apam, di rumah Amang ibuy, di masigit, di sakulahan , wan sunyaan di kampung kita,” jar abahnya pina kukurihing ha malihati kalakuan anaknya.
“Kanapa maka kaitu, bah?”
“Mun kada kaitu, sunyaan kada kawa buka puasa,” jar abahnya.
“Umai uyuhnya, mun kaitu baik ulun nunggui haja gin jam 6 nya,” jar Utuh Mandaw.
“Makanya am,” jar abahnya.
Lalu abahnya maninggalakan guring Utuh Mandaw, tapi Utuh Mandaw ne langsung bajalan ka luar mambawai bubuhan kawanan nya gasan maubah jam ka jam 6. Kada lawas, kira-kira jam 4 an, babunyi dauh di masigit Kampung waluh. Bubuhan kakanakan mancatukinya. Ada nang rahatan lagi bamasak, langsung babuka, ada nang takajut-kajut imbah bangun guring langsung minum. Pokoknya gigir tu pang kampung. “Napa yu maka hari masih tarang, tapi jam di rumah sudah jam 6,” jar nang lain.
“He eh, bisa parak kiamat sako, pina ubah hari,” jar nang lain pulang. Habut urang sakampungan ka langgar, handak sumbahyang tobat wan baamal sabanyak-banyaknya. Kurihingan kakanakan ( bubuhan utuh cs ) nang mancatuki dauh tadi.,hibak masjid kya hari raya